Кенгуру кер, контакт кожа на кожа или Kangaroo Care се термини кои се однесуваат на одржување на бебето голо, само во пелена, на голите гради на мајката или таткото, или на други блиски од семејството. (Извор: USIKC).

Историски факти и значење Овој метод е откриен во Богота, Колумбија и се состои од воспоставување на кожа на кожа контакт помеѓу возрасен и новородено бебе, од моментот на раѓањето (од родилна сала или единица за интензивна нега или основна нега), хранење базирано на доењето и порано отпуштање од болница.

Добро познато е дека технолошки високо софистицираната медицинска опрема и нега се од суштинско значење за предвреме родените бебиња. Сепак, тие треба да ги издржат сите надворешни дразби и стрес, од кои во тој период од развојот  треба да бидат заштитени во матката на мајката: од бучавата, светлината, болните процедури и пореметувањето на циклусите на спиење и будност. Сите овие стимули влијаат негативно на развојот на невролошкиот систем, кој е сеуште незрел и не може адекватно да одговори на овие дразби, а сето тоа може да предизвика краткорочни, среднорочни и долгорочни последици по здравјето и развојот на бебето.

Придобивки за родителите (во заграда се студиите кои ги докажале наведените предности)

• Подобрена приврзаност и сврзување. (Tessier et al., 1998). 
• Поголема прилагодливост и чувство на самодоверба, компетентност и задоволство при негување на бебето  (Tessier et al., 1998; Conde Agudelo, Diaz Rossello, & Belizan, 2003; Kirsten, Bergman, & Hann, 2001) 
• Зголемена количина на млеко, дуплирана успешност во процесот на доење и продолжување на времетраењето на доењето (Mohrbacher & Stock, 2003) 
• Физиолошки градите на мајката одговорат на термичките потреби на бебето (Ludington-Hoe et al., 2006). 
• Длабоко корисна за старателите на критично болни предвреме родени бебиња (Parker L, Anderson GC. , 2002).

Придобивки за бебињата (во заграда се студиите кои ги докажале наведените предности)

• Контактот кожа на кожа го намалува неонаталниот морталитет (Conde-Agudelo et al, 2011).
• Помала инциденца и тежина на инфекции (Charpak N, Ruiz-Pelaez JG, Figuero de Calume Z, Charpak Y., 1997).
• Забрзан автономен и невро-бихејвиорален развој (Feldman R, Eidelman, 2003). 
• Промовира саморегулација кај недоносените: циклус на спиење и будност, модулација на стресот  и истражување на околината (Feldman R, Weller A, Sirota L, Eidelman A., 2002).
• Постојани високи и стабилни нивоа на кислородната сатурација, помал отпор на дишните патишта, помалку епизоди на апнеа, стабилна температура и поголем процент на мирен сон. (Ludington- Hoe, Ferreira, & Goldstein, 1998). 
• Подобро одржување на температурата во термички неутралната зона, отчукувањата на срцето и респирациите (Ludington-Hoe et al., 2010).
• Помалку плачење поврзано со болните процедури (Kostandy R, Ludington-Hoe SM, 2008).
• Мајчиното млеко е лесно достапно, расположливо и го зајакнува имунолошкиот систем на бебето.
• Контактот со мајката кај бебето предизвикува смирувачки ефект, го намалува стресот и го релаксира бебето. (McCain, Ludington-Hoe, Swinth, & Hadeed, 2005; Charpak et el., 2005).
• Намалени физиолошки и бихејвиорални реакции на болката (Ludington-Hoe, Hosseini, & Torowicz, 2005).
• Поизразено накачување на телесната тежина (Charpak, Ruiz-Pelaez, & Figueroa, 2005).
• Подобрена приврзаност и поврзување со бебето (Tessier et al., 1998). 
• Позитивни ефекти врз когнитивниот развој новороденчето (Feldman, Eidelman, Sirota, & Weller, 2002).
• Помалку болнички инфекции, тешки болести или болест на долно-респираторниот тракт (Conde-Argudelo, et. al., 2003). 
• Мирен сон (Ludington-Hoe et al., 2006). 
• Порано испуштање од болница (London et al., 2006). 
• Можно намалување на ризикот од синдромот на ненадејна доенечка смрт (SIDS) (види www.infactcanada.ca). 
• Нормален развој на недоносените во доенечкиот период (Charpak, Ruiz-Pelaez, & Figueroa, 2005). 
• Може да биде добра метода за справување со колики (Ellett, Bleah, & Parris, 2002). 
• Можни позитивни ефекти во моторниот развој на доенчињата (Penalva & Schwartzman, 2006).

Значајни надворешни стимулуси на кои бебето е изложено за време на контактот кожа на кожа се: 

• Вестибуларен систем:  движењето на градите на родителот во текот на дишењето, и при одењето низ просторијата, доколку тоа е дозволено. 
• Тактилни дразби: допирите на кожата (галењето) и телесната топлина на родителот, помеѓу градите на мајката.
• Мирисни дразби: мирисот на родителот и мирисот на мајчиното млеко. 
• Аудитивни (звучни) дразби: од гласовите во околината и чукањето на срцето на родителот.