Банер





ЕДУКАТИВНА РАБОТИЛНИЦА ЗА ДОЕЊЕ КОН КРАЈОТ НА АВГУСТ


Со задоволство Ве покануваме на Едукативна работилница за доење во организација на Лулка, која ќе се одржи на 31.08.2016 година.
Темите на кои ќе обрнеме внимание се:
  • анатомијата на жената и доењето,
  • важноста на доењето за бебето и за мајката,
  • значењето на доењето за семејството и околината,
  • кога и како да се започне доењето,
  • како да се одржи лактацијата, 
  • правилно поставување на бебето на града и
  • позиции за доење.
На оваа работилница ги покануваме бремените жени кои планираат да дојат, родителите, здравстевните работници кои сакаат да дознаат повеќе за доењето и сите други заинтересирани. Заинтересираните ги молиме да се пријават најдоцна до 26.08.2016 на нашата е-мејл адреса Оваа е-пошта е заштитена од spambots, треба да вклучите JavaScript за да ја видите .



Упатуваме благодарност до компанијата

Philips AVENT - Спонзор на активностите на организацијата Лулка 

за одбележување на Светската недела на доењето 2016





alt




СВЕТСКА НЕДЕЛА НА ДОЕЊЕ - 01-07-ми Август 2016

ЈА ПРОСЛАВУВАМЕ СВЕТСКАТА НЕДЕЛА НА ДОЕЊЕТО 2016



Светската Недела на Доењето 2016 (#WBW2016) ја потенцира поврзаноста помеѓу доењето и Целите за Одржлив Развој (SDGs – Sustainable Development Goals). Овие т.н. Цели за одржлив развој се одраз на глобалната посветеност и делување кон обезбедување соодветен напредок. Оваа година, Светската Алијанса за Доење (WABA) го прифаќа предизвикот да ги промовира стратегиите за правилна исхрана на новороденчиња и мали деца во рамките на одржливиот развој.


Целите за Одржлив Развој или SDGs се 17 цели за промена на светот до 2030-та година. #WBW2016 се стреми пред се кон подигување на свеста за доењето, како и кон градење партнерства за постигнување на континуиран развој.


За повеќе информации обратете се на  info.lulka@gmail.com  и Оваа е-пошта е заштитена од spambots, треба да вклучите JavaScript за да ја видите




Преку #WBW2016, WABA започнува со подигнување на свеста за поврзаноста помеѓу доењето и SDGs, додека WBW 2017 ќе се фокусира на Целта бр. 17 - Градење партнерства. Овој метод на работа е исклучително важен за одржливост на влијанието и за соработка со оние кои ја одбележуваат Светската недела на доењето. 

По 2017-та, напорите ќе бидат насочени кон 4 теми или групи на Цели (опишани во WABA WBW Action Folder), а ќе бидат повторени три пати во текот на следните години. Темите се:







Упатуваме благодарност до компанијата

Philips AVENT - Спонзор на активностите на организацијата Лулка 

за одбележување на Светската недела на доењето 2016




Сите информации за доењето може да ги најдете во делот ДОЕЊЕ на нашата веб-страна на СЛЕДНИОТ ЛИНК.



alt


ЕДУКАТИВНИ СРЕДБИ ЗА БРЕМЕНОСТ И ПОРОДУВАЊЕ

Настанот Одбројување до породување е едукативна средба за поддршка за трудниците во трето тромесечие од бременоста со цел полесно породување и нега на бебето по доаѓањето дома.

На оваа средба разговараме за тоа што доживуваат мајката и бебето во текот на породувањето, кога е време за породување, како да се подготвите за во болница. Кога се дише, а кога се напнува, кога треба бебето да цица и како да се подготвите за овој важен момент? Што му е потребно и што треба родителите да знаат по доаѓањето со бебето дома.

Повеќе информации и пријавување на Оваа е-пошта е заштитена од spambots, треба да вклучите JavaScript за да ја видите или на 078/377-791.
Линк до FB страницата на организацијата Лулка (за тековно информирање)



alt



Кога штркот ќе подрани - Брошура за родители кои имаат предвремено родено бебе


По повод 17. Ноември, Светскиот ден на предвременото породување здружението Лулка - Здружение за грижа и едукација на бремени жени, мајки и деца ја направи достапна и електронската верзија на брошурата „Кога штркот ќе подрани“. Брошурата има информативен карактер и е наменета за сите кои се заинтересирани за предвременото породување, но пред се за родителите / семејствата кои имаат предвреме родено бебе, во тек на престојот на бебето во болница и по доаѓањето дома.


Брошурата може да ја симнете на следниот линк:

https://www.dropbox.com/s/dov74lw91nuwjb6/Koga%20strkot%20ke%20podrani%20-%20Brosura%20NVO%20Lulka.pdf?dl=0





alt


ШТО Е ЛУЛКА?

ОЧЕКУВАЊЕ, ГРИЖА, ЉУБОВ, ДОВЕРБА...


Најпрво да Ве поздравиме и да Ви посакаме добредојде во нашиот прекрасен свет на очекувања, грижа, љубов и доверба. Овие четири збора се основа на постоењето на ЛУЛКА и наш водич низ многубројните активности со кои ќе Ви помагаме, ќе Ве едуцираме, ќе Ве бодриме и охрабруваме пред и во текот на бременоста, породувањето и одгледувањето на Вашето потомство.

Очекувањата на бремената жена која во себе носи нов живот, полна со надеж и љубов е инспирација за сите активности на ЛУЛКА. Грижата на мајката за своето малечко, од првиот миг кога ќе го види и ќе го почувствува неговиот допир е извор на силата да дејствуваме и да работиме уште понапорно. Љубовта на детето кон својата мајка, толку наивна и безусловна е наш постојан двигател, затоа што детската насмевка е најубавото нешто на овој свет. Довербата е единственото нешто кое го очекуваме од Вас, и ќе направиме се за да ја добиеме и зачуваме.


alt

ШТО РАБОТИМЕ... ?


Во континуитет Лулка организира голем број активности за превенција, едукација и поддршка на младите, на бремените жени, родителите и децата.Тимот на Лулка е составен од професионалци кои континуирано работат во својата област, што на активностите на здружението им дава една применлива, функционална и практична димензија.


alt


За сите бремени жени и нивните партнери, Лулка повеќе од една година организира Бесплатна едукација за бременост во рамки на проектот „Едуцирана бременост – здраво бебе“. Едукација се изведува секој месец во Клубот на новинари со специјалист гинеколог и со психотерапевт. Проектот опфаќа едукација за бременоста и породувањето, како и осврт на сите промени кои ги носи бременоста и новиот член во семејството. Списокот за пријавување за бесплатната едукација за бременост е постојано отворен.



Лулка организира понатамошна едукација и поддршка на двојките во периодот на бременоста преку обука која им овозможува заземање на правилен став кон породувањето, како и практична подготовка со вежби за породувањето и за нега на новороденчето. Оваа поддршка се спроведува во форма на Курс за психофизичката подготовка за породување. Курсот е наменет за бремените жени и нивните партнери по 28 недела од бременоста. Курсот се одржува на две локации во Скопје, во Центарот за вежби и советување Лулка во Тафталиџе и во просториите на ДИУ „СТАР-ДТ“ на територијата на општина Кисела Вода.




Поддршката и едукацијата за родителите е организирана во форма набесплатни месечни едукации за родители на деца од 0-5 годишна возраст.  Проектот наречен БЕСПЛАТНА ШКОЛА ЗА РОДИТЕЛСТВО опфаќа три тематски групи, едукација за детска возраст од 0-18 месеци, за детска возраст од 18-36 месеци и група за родители на деца на возраст од 3-5 години. Секоја од овие групи има свои специфичности, ситуации, различни развојни фази и проблеми, но и различни впечатоци и искуства од страна на родителите. Овие едукации ги водат педијатар, психолог и педагог, со што се одговорени најголем број од барањата и дилемите на родителите на деца на оваа мала возраст. Списокот за пријавување на родители за Школата за родителство е постојано отворен.



Во рамките на активностите за промоција, заштита и унапредување на доењето во Макеоднија, Лулка секоја година ја одбележува Светската недела на доењето. За прв пат кај нас, започнавме со организирање на групи за поддршка на доењето, засега само во Скопје, но со тенденција да се организираат поголем број вакви групи, локално, на повеќе места во Скопје и низ државата.



Поддршката и едукацијата за групата на родители на предвремено родени бебиња, група која не е мала (опфаќа 10-15 % од сите раѓања) и која бара исклучително многу едукација, поддршка и големо внимание од јавноста, се реализира преку активностите на Клубот ПремНова – Клуб на родители на предвремено родени деца, кој е дел од здружението Лулка.




Здружението се финансира преку членство, преку донации од домашни и странски донатори и преку спонзорства. Доколку сакате да ни помогнете нам, како организација, и на сите млади, бремени жени и родители, може да пополните електронска пристапница и да уплатите членарина, да донирате или да волонтирате во здружението Лулка. Вашата помош и поддршка се добродојдени.




alt





efcni

Активностите на Здружението Лулка и на Клубот на родители на предвремено родени деца ПремНова се одвиваат со поддршка и во соработка со Европската фондација за грижа на новородени (European Foundation for Care of Newborn Infants). EFCNI е првата паневропска организација која ги застапува интересите на предвремено родените деца и нивните родители.