Бесплатната едукација за бременост - Проект од кој произлегоа многу самоуверени, силни и храбри бремени жени и свесни родители
Бесплатната едукација за бременост - Проект од кој произлегоа многу самоуверени, силни и храбри бремени жени и свесни родители
Во Новата 2012 гоодина, Ве покануваме да ги посетите бесплатните едукации за бременост кои ги организира Здружението за грижа и едукација на бремените жени, мајките и децата Лулка.
Едукациите се отворени и бесплатни, а наменети се за бремените жени и нивните партнери, за брачните двојки кои планираат бременост и сакаат да научат нешто повеќе за бременоста, како и за сите граѓани кои се интересираат за овие теми.
Вашето доаѓање најавете го на Оваа е-пошта е заштитена од spambots, треба да вклучите JavaScript за да ја видите или на телефонот 072/243-974.
Повеќе информации прочитајте ТУКА.
Фото-репортажа од досега одржаните едукации.
Од оваа сезона Лулка започнува со периодично објавување на текстови во форма на ЛУЛКА Колумна. Колумната ја подготвува Марија, мајка на едно прекрасно девојче, а она што ни го пренесува е лично искуство, со цел да Ви помогне и да ви олесни вам и на Вашите прекрасни бебиња и деца.
Преку овие текстови сакаме да ве заинтересираме, да ве информираме и да Ве запознаеме одблизу со некои работи со кои ќе се сретнете во текот на бременоста и родителството.
Светска недела на доењето 2011
World Breastfeeding Week 2011
Од 01 до 07 Август во светски рамки се одбележува Светската недела на доењето 2011 (World breastfeeding week 2011). Светската недела на доењето се одбележува во повеќе од 170 земјиво светот, а оваа година активностите се одвиваа под слоганот "Зборувај со мене! Доењето - 3Д искуство". Овогодинешниот слоган ја означува потребата од комуникација како трета димензија при промоција на доењето помеѓу мажите и жените од сите возрасти, професии, нации и култури.
Здружението Лулка постојано се залага за заштита и унапредување на доењето. Оваа година за прв пат ја одбележавме Светската недела на доењетo 2011 во соработка со Би МЕК – компанијата застапник на производите за поддршка на доењето МЕДЕЛА.
Во тек на Светската недела на доењето на нашата веб-страна беа објавени повеќе текстови поврзани со доењето, совети, упатства и практики кои ќе Ви помогнат полесно да го започнете и одржувате доењето.
И како што вели слоганот на овогодинешното одбележување на Светската недела на доењето, комуникацијата има непроценливо значење за промоција на доењето. Затоа Ве покануваме слободно да коментирате, да ни пишувате и да ни поставувате прашања поврзани со доењето, а ние со задоволство ќе Ви одговориме.
За крај би сакале да нагласиме дека доењето најлесно се учи пред да дојде на свет Вашето бебе, во текот на бременоста и пред да забремените. Доењето не е важно само за сегашните или идните мајки. Тоа е подеднакво важно за татковците и за сите членови на семејството и заедницата.
Од уредникот
Светска недела на доењето 2011
LULKA.org…Очекување, грижа, љубов, доверба
Очекувањата на бремената жена која во себе носи нов живот, полна со надеж и љубов е инспирација за сите активности на ЛУЛКА. Грижата на мајката за своето малечко, од првиот миг кога ќе го види и ќе го почувствува неговиот допир е извор на силата да дејствуваме и да работиме уште понапорно. Љубовта на детето кон својата мајка, толку наивна и безусловна е наш постојан двигател, затоа што детската насмевка е најубавото нешто на овој свет. Довербата е единственото нешто кое го очекуваме од Вас, и ќе направиме се за да ја заслужиме и зачуваме.
На LULKA.org ќе најдете информации во врска со оплодувањето, бременоста и породувањето. Ќе прочитате за после-породилниот период, за растот и развојот на детето, како и за воспитувањето од најмали нозе. Ќе прочитате селектирани информации кои навистина ќе ви користат, едукативни текстови од искусни доктори кои секојдневно работат со оваа проблематика, совети од сестри акушерки кои ќе ви помогнат во деновите пред и по породувањето, како и практични совети од искусни мајки за многу работи кои Ве интересираат.
Подготвуваме и многу нови работи, забавни и едукативни, кои наскоро ќе може да ги сретнете на LULKA.org.
