Прим. Др Јадранка Гулева – Педијатар неонатолог од Специјалната болница за гинекологија и акушерство „Мајка Тереза“ или популарно наречена гинекологија Чаир, потенцира дека она што го одредува здравјето на малите деца започнува уште пред забременувањето и зависи од здравјето на мајката, а продолжува и по породувањето со интеракцијата мајка-дете. Изложеноста на економска несигурност и сиромаштија го зголемува стресот кај бремената жена, што негативно влијае врз исходот од породувањето и развојот на новороденото.
Нега насочена кон семејството (Family-centered Care) e концепт на организација на неонаталната интензивна нега која е насочена кон семејството како целина. Притоа семејството активно учествува во негата на своето предвремено родено бебе, со што му помага на персоналот, истовремено родителите стекнуваат вештини за тоа како да се грижат за своето бебе по напуштањето на болницата и одењето дома. Значаен дел од концептот за нега насочена кон семејството е практикувањето на контактот кожа-на-кожа (кенгурирање).
Се повеќе се знае дека психомоторниот развој преставува динамичка интеракција помеѓу детето и околината. Колку повеќе се знае за факторите кои учествуваат во ова, толку повеќе може да се надеваме на подобрување на психомоторниот развој. Затоа во последните 20 години во фокусот на вниманието е процесот на раната интервенција, како и систематски-еколошкиот приод, кој ги анализира случувањата кај детето, семејството и околината.
Состојбата во која се наоѓаат бебињата кои се предвремено родени е специфична и тие бараат високософистициран третман и нега во единицата за неонатална интензивна нега. Но што е со родителите, како се чувствуваат тие и како треба да се однесуваат.
Една од трите програмски насоки на кои работи организацијата Лулка е Поддршка на граѓаните во текот на бременоста и породувањето. Лулка работи на подобрување на информациите, условите и поддршката која ја добиваат трудниците во текот на бременоста, како и подобрување на условите со кои се соочуваат во текот на породувањето, а со цел здрава бременост и здраво новороденче.
Првата средба на родителите со нивното предвремено родено бебе секогаш претставува изненадување и е исполнета со силни помешани емоции. Бебешката кожа е тенка и проѕирна, а под неа може да се видат крвните садови. Бебето изгледа ситно и слабо, и поради тоа што сè уште е незрело, „прикачено” е на разни апарати кои му се неопходни за раст и развој.
Веќе неколку години Светскиот ден на предвременото породување, кој се одбележува на 17-ти Ноември, ги истакнува на глобално ниво напорите за решавање на предвременото породување. Овој ден е инициран од страна на Европската фондација за грижа на новородени (EFCNI), на која подоцна и се придружија и Африканската организација LittleBigSouls (прев. МалиГолемиДуши), американската организација March of Dimes и Автралиската Национална Фондација за предвреме родени (Australian National Premmie Foundation), а сега веќе постојат многу глобални иницијативи кои секоја година ги истакнуваат потешкотиите на предвреме родените бебиња и нивните семејства.
Едно од десет бебиња се раѓа предвреме, насекаде во светот. Предвреме родените бебиња имаат потреба од посебна нега и третман. Како родители и професионалци, но пред се претставници на пациентите, благодарни сме за работата која ја вршат докторите и сестрите секојдневно, грижејќи се за предвреме родените и болните новородени. Нашата мисија како организација, е да се погрижиме секое новородено бебе да има најдобар почеток на животот.